Illersuisoq Ambassadørillu
H.K.H. Kronprins Frederik.
Illersuisoq
Kalaallit Nunaata Nipitittagaata Aningaasaateqarfiata septembari 2009-imili kunngikkormiutut ataqqinassusilik Kunngissaq Frederik Illersuisorivaa.
Kunngikkormiutut ataqqinassusilik Kunngissaq Frederik André Henrik Christian, Danmarkimi Prinsi, Monpezatimi greve, inuusoq 26. maj 1968. Kunngissap nuliaraa Kunngikkormiutut ataqqinassusilik Kunngissap nulia Mary Elizabeth af Danmark, sisamanik qitornaqarput. Kalaallit Nunaannik Kunngissaq annertuumik soqutigisaqarpoq “Sirius 2000-mi” qaammatini sisamani 2.795 km isorartutigisoq Kalaallit Nunaata avannaarsuani qimusserluniilisimassarsioqataavoq.
​
Erinarsoqatigiit Aavaat
Ambassadøri
2013-imili Erinarsoqatigiit Aavaat Juullip Nipitittagaata Aningaasaateqarfiata Danmarkimi ambassadørerivai. Københavnimi ukiumoortumik Kalaallit Nunaata Juullip Nipitittagaata saqqummiunneqarnerani erinarsortarpoq. 1996-imi Erinarsoqatigiit Aavaat puilersinneqarpoq erinarsortartunillu 25-nik amerlanerusunik erinarsortartoqarluni. Erinarsoqatigiit Københavnimi angerlarsimaffeqarput, Danmarkimi nunanilu allarpassuarni pisartorpassuarni assigiinngitsuni Kalaallit Nunaat sinnerlugu kalaallit tussiutaannik erinarsuutaannillu tusarnersunik erinarsorlutik peqataasarput. Erinarsoqatigiit tusaamasaassutigaat DR-ip ukiumoortumik Kalaallit Nunaannut juullimut inuulluaqqusisarnerani peqataasarnini, allarpassuartigulli aamma isiginnaartitsisarput soorlu tivanertigut aammalu kalattuunik qitittarnermikkut.
www.aavaat.dk
Flemming Jensen
Ambassadøri
Flemming isiginnaartitsisartuuvoq, atuakkiortoq ilitsersuisorlu Kalaallit Nunaannut uummateqarfiginnittoq. Ilinniartitsisutut ilinniagaqarpoq ukiualunnilu Kalaallit Nunaanni najugaqarsimavoq. Tamannalu pillugu nuannersunik atuakkiaqarpoq. Naak Danmarkimut angerlarnermi kingorna allarpassuarnik sammisaqartaraluarluni Kalaallit Nunaat, inuit kalaallit, kalaallit eqqumiitsuliaat kulturiallu uummataani inissaqartuarput. Ukioq 2014 Flemming Kalaallit Nunaata Juullip Nipitittagaanut ambassadørinngorpoq.
www.flemmingjensen.com
Julie Berthelsen
Ambassadøri
Julie erinarsortartuuvoq, Danmarkimi inunngortoq, Kalaallit Nunaanni peroriartorsimasoq taamaasillunilu nunat taakku marluk sorlaqarfigalugit. Juliep ilaatigut ilisarisimaneqaatigaa Kalaallit Nunaannut juullimi inuulluaqqusinerni aqutsisuusarnini, isiginnaartitsinermi kalaallinut isiginnaartunut danskinullumi nuannaartitsilluni peqataasut pitsaalluinnartumik ilanngussanut peqataasunik ilisarisitsisarnini. Ukioq 2013 Julie Kalaallit Nunaata Juullip Nipitittagaanut ambassadørinngorpoq.
Rasmus Lyberth
Ambassadøri
Rasmus erinarsortartuuvoq, taalliortoq aammalu isiginnaartitsisartoq. Nipaa immikkuullarissuuvoq tusarnersoq, kalaallit nunaannilu nipilersortartut akornanni 1970-it allartinnerinili nuannarineqarnerpaanut ilaavoq. Ullumikkullu kalaallinut nipilersortartunut isiginnaartitsisartunullu kalaallit nunaata avataani aqqutissiuussisuulluni. Ukioq 2013 Rasmus Kalaallit Nunaata Juullip Nipitittagaanut ambassadørinngorpoq.
Simon Lynge
Ambassadøri
Simon Danmarkimi inunngorpoq, Kalaallillu Nunaanni peroriartorsimavoq, 2008-mili USA-mi najugaqalersimasoq. Simon nipilersullaqqilluinnartuuvoq nunanilu allani akuttunngitsumik tusarnaartitsisarluni. Tuluttut erinarsortartuuvoq, taamaannerata tamatigoortuuninngortippaa pissanganarninngorlugulu. Ukioq 2014 Simon Kalaallit Nunaata Juullip
Nipitittagaanut ambassadørinngorpoq.
Minik Rosing
Ambassadøri
Minik ujarassiuutut professoriuvoq Københavnip Universitetiani. Kalaallinik tusaamasanik ilusilersuisinnaasunik siuleqarpoq. Ataataa, Jens Rosing, tassaavoq 1974-imi kalaallit nunaanni juullimi nipitittakkamik siullerpaamik titartaasimasoq. Minik oqalugiartartuuvoq piumassusilik, inuiaqatigiinni oqallittuni akuulluartoq aammalu piffissap ingerlanerani arlalitsigut nersornaaserneqartarsimasoq. Ukioq 2013 Minik Kalaallit Nunaata Juullip Nipitittagaanut ambassadørinngorpoq.
Kim Leine
Ambassadøri
Kim oqaluttualianik atuakkiortuuvoq nunarsuatsinni ilisarisimaneqartoq, kalaallit Nunaat pillugu allaaserinnissinnaasoq – nunatta pitsaasuinik aammali ajoqutaanik ersersitsilluni. Atuakkiaminik nunarsuarput tiguarsinnaasimavaa ilaatigut ilisimaneqarluartut ’Profeterne i Evighedsfjorden’ aamma ’Rød mand/sort mand’ atuakkiarigamigit. Kim ukiuni 15-ini Kalaallit Nunaanni najugaqarsimavoq, ullumikkullu Danmarkimi najugaqarluni. Ukioq 2016 Kim Kalaallit Nunaata Juullip Nipitittagaanut ambassadørinngorpoq.
Nukâka Coster-Waldau
Ambassadøri
Nukâka isiginnaartitsisartuuvoq, inuusuttunnguullunili kalaallit nunaanni nipilersornikkut siullermeerluni saqqummertoq. 2005-imi isiginnaartitsisartutut ilinniarnini naammassivaa, isiginnaartitsisarnermigut Danmarkimi Kalaallillu Nunaannilu ilisimalluarneqalersimavoq. Naak Nukâka ilaquttani peqatigalugit Danmarkimi najugaqaraluarluni, uummataa nunamut inunngorfimminut innuttaanullu avannaarsuaniittumut tillertuarpoq, nunallu taakku marluk akornanni paaseqatigiinneq pitsanngorsarniarlu pingaartikkamiuk, tunuarsimaneq ajorpoq erseqqissassallugu. Ukioq 2015 Nukâka Kalaallit Nunaata Juullip Nipitittagaanut ambassadørinngorpoq.
https://www.dfi.dk/viden-om-film/filmdatabasen/person/nukaka-coster-waldau